“مع سوسو” وسري مري… قيادات من التراكتور كاتفاوض باش طير إلى أحضان “السبولة” بجهة بني ملال خنيفرة وهاد القرار الى طبقوه ومشاو فيه غادي يكون زلزال فالحزب

آخر تحديث : الإثنين 19 أغسطس 2019 - 7:15 مساءً
“مع سوسو” وسري مري… قيادات من التراكتور كاتفاوض باش طير إلى أحضان “السبولة” بجهة بني ملال خنيفرة وهاد القرار الى طبقوه ومشاو فيه غادي يكون زلزال فالحزب

أحمد كوران /”مع سوسو” 

هاد الايام تاتروج اخبار حول عزم بعض القيادات فحزب التراكتور بأزيلال وببني ملال وبخريبكة الالتحاق بشكل جماعي بحزب الحركة الشعبية.

هدشي طبعا باقي ما تأكدش ولكن مصدر سياسي رفيع اكد بلي احد القياديين بأزيلال هو لي تايتفاوض بسرية تامة مع كبير الحركيين العنصر على جميع تفاصيل هاذ الانتقال ولي بلا شك غادي يكون زلزال كبير في بيت البام بجهة بني ملال خنيفرة الى فعلا وقع.

المصدر السياسي لي عارف خبايا المفاوضات السرية لي كاينة دبا قال بلي من بين الاسباب لي خلات بعض قيادات التراكتور “ولي واحد منهم عضو فمجلس الجهة” تفكر تهاجر  هو قضية “تكرديعة” العسالي حيك تايشوفو بلي الحزب ديالهم ماوفاش بالكلمة مع حليمة وهدشي لي خلاهم يصوتو عليها ويخالفو تعليمات القيادة ديالهم وبالتالي كيف قلنا هذا غايكون عندو تأثير كبير لاسيما وان صراعات كبيرة كاينة فحزب التراكتور على المستوى الوطني ويقدر هدشي يستاغلو تيار بنشماس.

Share Button
2019-08-19 2019-08-19
أترك تعليقك
0 تعليق
*الاسم
*البريد الالكترونى
الحقول المطلوبة*

لن يتم نشر عنوان بريدك الإلكتروني.

شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

تاكسي نيوز