بمناسبة اليوم الوطني للبيض في أزيلال!!… المواطن تايطالب السلطات باش يولي البيض رخيص حيك هو الأمل والخلاص ديال الشعب أمام الغلاء ديال اللحم وعلاش لا يديرو لو تاهو مهرجان فاعل تارك!!!

آخر تحديث : السبت 18 يناير 2020 - 9:56 مساءً
بمناسبة اليوم الوطني للبيض في أزيلال!!… المواطن تايطالب السلطات باش يولي البيض رخيص حيك هو الأمل والخلاص ديال الشعب أمام الغلاء ديال اللحم وعلاش لا يديرو لو تاهو مهرجان فاعل تارك!!!

تاكسي نيوز// العربي المزوني

ازيلال ستقبلات واحد النشاط ديال البيض احتفالا باليوم الوطني للبيض ، وفالحقيقة هذي مبادرة مزيانة وناس لي نظموها مشكورين حيك فكرو فشي حاجة تايعشقها ملايين المغاربة لي هي البيض رغم انه محكور بزاف ، وبصراحة بحال هاد اللقاءات غادي ترجع الاعتبار لأعز اكلة عند المغاربة ولما لا العام الجاي يديرو مهرجان كبير فازيلال ديال “البيض” ويكون فيه تاهو شطيح والفنانين والممثلين ووو . المهم هو نفرحو بافضل اكلة عند المغاربة ماشي حيك كيف تايقولو جوج بيضات فيهم رابعة ديال اللحم ولكن حيك الاغلبية الساحقة في ظل ارتفاع اثمنة اللحوم تاتلقا فالبيض الخلاص ديالها وانا واحد منهم خصوصا فالعشة.غاهو تانطالبو من السلطات باش يولي رخيص شوية حيك بزاف علينا درهم للبيضة.

انا تانشوف ان البيض ونظرا للدور الكبير  ديالو فحياة المواطن الفقير وخصوصا فاقليم مهمش ومحكور كأزيلال ، لابد ما يتنظم لو شي مهرجان فاعل تارك ويكون سنوي تاهو بحال داك المهرجان المعلوم ، حيك البيض مربيين عليه حنا الكبدة ومن حقنا نفرحو به مادام هو اللي نافعنا وقت الحزة والازمة.

Share Button
2020-01-18
أترك تعليقك
0 تعليق
*الاسم
*البريد الالكترونى
الحقول المطلوبة*

لن يتم نشر عنوان بريدك الإلكتروني.

شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

حليمة