هدشي ماشي معقول… واا المجلس وااعمالة بني ملال وراه ماشي منطقي تعطيو رخصة وتقولو لماليها خدمو وتجيو تسحبوها وتهدمو مشاريعهم وهذه رسالة مؤثرة من الشاب الخواتري من ذوي الاحتياجات مع قرار سحب رخصة كشك!

آخر تحديث : الأربعاء 9 أكتوبر 2019 - 6:19 مساءً
هدشي ماشي معقول… واا المجلس وااعمالة بني ملال وراه ماشي منطقي تعطيو رخصة وتقولو لماليها خدمو وتجيو تسحبوها وتهدمو مشاريعهم وهذه رسالة مؤثرة من الشاب الخواتري من ذوي الاحتياجات مع قرار سحب رخصة كشك!

العربي المزوني 

هدشي ماشي معقول وغير مقبول لي تايوقع فهاد المدينة المهمشة من جميع الجهات وابرزها الجانب التنموي والاقتصادي ، راه ماشي منطقي باش واحد الشاب من ذوي الاحتياجات الخاصة تظلم فحياتو وطردوه من الدراسة بسبب الاعاقة ، ومع ذلك كافح وقرا وشد الاجازة والماستر وفي الاخير طلب كيوسك باش يخدم فيه ما طلب وظيفة فادارة ماطلب كريمة ديال كار ، وفاش شد الترخيص ومشا تايبني جاه قرار اخر ديال الوالي تايقولو وقف راه تسحبات لك الرخصة ، وخاص الكيوسك يدوز فالمزاد ،  المجلس قالو طلع تاكل الكرموس والولاية قالت لو نزل شكون قالها لك ، وهدشي تايضرب فالحق ديالو كانسان معاق لي اصلا خاصو يكون استثناء يعني خاص السلطات تستتنيه من داك القرار ماشي امتياز او باك صحبي ولكن لان ظروفو صعيبة وعندو اعاقة حركية في كامل جسده ويستحق جبر الضرر على 12 سنة لي ضاعت لو من عمرو بسبب قرار غبي لي هو توقيفو عن الدراسة بسبب اعاقتو.

رئيس المجلس الجماعي لبني ملال بصراحة رجل معروف بالمساعدة ديالو للساكنة والتجاوب معها ، لكن بعض الاحيان تايرتاكب أخطاء تاتخليه يكون مزيان مع عينة ولكن تايفقد مصداقيتو مع رأي عام  ديال ساكنة المدينة بأكملها ، حيك بعض القرارات ديال سحب الرخص تاتكون جائرة وتاتهرس التنمية والاقتصاد المحلي ارضاء لبعض الاهواء ، حيك من بعد ما تايسلمو هاد التراخيص لاصحابها باش يخدمو بحال هاد الشاب مثلا او غيره والامثلة كثيرة ،تايجي فجأة قرار السحب ، و هاد السحب تايخلينا نوجهو بعض التساؤلات لرئيس المجلس احمد شد واش اللجنة لي تاتخرج وتاتعاين وتادير تقرير تايسمح بالترخيص واش هاد اللجنة محل ثقة؟ او انها مافيهاش الاهلية؟ او انها متواطئة وكذبات عليك؟!! وطبعا الى كان هدشي خاص الرئيس يفتح تحقيق معها ، حيك السحب ديال الرخص لاسباب واهية تايخلي الناس تشك بلي القضية قدر تكون فيها شي أجندات سياسية او انتخابية رغم ان واحد العينة من الناس وخا المجلس يهدم ليهم كاع المحلات وكاع الاكشاك ومايصوتوش عليه .وطبعا هنا خاص تكون الجرأة والشجاعة عند المجلس باش يواجه اي عينة تاتشوف غامصلحتها حيك المجلس خاصو يشوف المصلحة العامة ويفكر فالتنمية ديال المدينة وإلا خاصو يسحب جميع الرخص ديال المحلات والاكشاك اقتداء بهذه القرارات الاخيرة القاضية بسحب التراخيص.

وفي رسالة مؤثرة توصل بها موقع تاكسي نيوز من الشاب محمد الخواتري يقول :” انا شاب قدر الله عز وجل أن يخرج إلى الدنيا بإعاقة حركية كانت محفزا للانطلاقة والتميز وطرق باب العلم والمعرفة، درست للمستوى السادس ابتدائي بنتائج طيبة رغم العراقيل الجمة التي كان أكبرها توقيفي عن إكمال دراستي سنة 2002 والمبرر هو كوني ببساطة معاق. وبعد سبع سنوات من التوقيف والتهميش حفظت فيها كتاب الله عز وجل وحصلت على بعض المعارف والعلوم، تقدمت لامتحان نيل شهادة السلك الإعدادي أحرار ونلتها بميزة حسنة، وبنفس المجهود الفردي والعصامي تحصلت على شهادة الباكلوريا سنة 2012 ولأتمم مساري الدراسي الجامعي متحصلا على شهادتي الإجازة والماستر تخصص الدراسات الإسلامية.”

ويضيف الخواتري في رسالته المؤثرة :”حصلت بعد نضال فردي طويل ومرير على رخصة كشك بعد تصويت المجلس البلدي ببني ملال على اختيار خمسة مستفيدين من هذه الرخص ضمنهم أنا والذي كان حظي أسوء موقع بالمدينة مقارنة بباقي المواقع.تحصلت على رخصتي بعد اجراءات مارتونية دامت أكثر من سنة استنفدت مني مصاريف عديدة من إعداد التصاميم ووثائق وغيرها، وبعد أن بدأت في بناء الكشك بإمكانياتي المحدود أفاجئ كبقية المستفيدين بقرار السيد والي الجهة عبر السيد رئيس المجلس البلدي بتوقيف البناء وسحب الرخص والمبرر الكارثي الذي أتى به والي الجهة قراره بل إصراره على طرح الأكشاك للمناقصة والمزاد العلني”.

وبناء على ما تقدم أعلن محمد الخواتري استنكاره قرار سحب رخصته  وإعلانه عن خوضي كافة الأشكال والوسائل المكفولة دستوريا من أجل استرداد حقوقه في الكرامة والعيش الكريم. كما دعا الوالي للتراجع عن هذا القرار الذي اعتبره ظالما في حقه ، لاسيما وان من المفروض على الدولة ان تأخذ بعين الاعتبار سنوات المنع والتهميش التي عانى منها وتجاوزها بتحدي وإصرار رغم اعاقته الحركية. يقول الخواتري.

واخيرا راه من حقنا نشوفو واحد بحال الخواتري شاد كشك او كيوسك وخدام فيه وغادي نفرحو لو وحنا لنا اليقين ان ساكنة بني ملال كاملة تاتعرفو وغادي تعاطف معاه ومانظنوش شي واحد غادي يعتارض الى تم الاستثناء ديالو من قرار السحب.

Share Button
2019-10-09 2019-10-09
أترك تعليقك
0 تعليق
*الاسم
*البريد الالكترونى
الحقول المطلوبة*

لن يتم نشر عنوان بريدك الإلكتروني.

شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

تاكسي نيوز