تاكسي نيوز / خاص
الاستقلالي الحسين لندة عضو فالمجلس الاقليمي ببني ملال فركع رمانة بخصوص المشاريع المبرمجة خلال الدورة الاستثنائية لي منعقدة فهاد الاثناء ببني ملال او تلك التي يعتزم المجلس برمجتها ، فالعضو كان صريحا وقال :” حنا ماعندنا تاريال وبغينا نبرمجو راه حنا غامحوزين “.
العضو نتاقد بزاف الخازن العام لي قال بلي ماتايجيش يحضر للدورات باش يشرح لنا شي امور حول الميزانية ، وقال بلي خاصو يجي ويشرح لنا راه الاعضاء مافاهمينش ، واكد العضو لندة بلي مجموعة من الادارات ماتايجيوش للدورات ديال المجلس وهدشي ماشي معقول، وفق تعبيره.
فالحقيقة هاد العضو قال لي خاصو يتقال وهدشي راه سبق لتاكسي نيوز وقالتو ، حيك كيفاش مجلس بحال هدا لي تايمثل جماعات اقليم بني ملال عاصمة الجهة ماعندوش لفلوس وماعندوش الميزانية ، وفيه بلوكاج ، وكيفاش غادي يدير مشاريع وكيفاش غادي يكون عند حسن ظن الساكنة ، وكيف قال العضو لندة :” واش كاينة شي ايادي خفية وراء افشال عمل مجلس الاقليمي لبني ملال وما نبقاوش نضرقو الشمس بالغربال”.
لبريديا قيادي بالعدالة والتنمية حتى هو عبر على الاستغراب ديالو و قال:” الدراسة مكايناش والميزانية غير كافية ، سمحو لي نقول بصراحة ان الرؤيا غير واضحة”.
نغمي عضو المجلس حتى هو قال :” المشاريع لي بلا دراسة راه فاشلة ، والشركاء مالتازموش ، عدنا ارقام على الورق ولكن لاشيء فالواقع”.
