تاكسي نيوز / خاص
البرلمانية عن دائرة بني ملال مريم وحساة دخلات طول وعرض فوزير التجهيز فالبرلمان وضربات لو طرر بسبب الاهمال ديال الوزارة والمديرية ديالو بجهة بني ملال اتجاه ساكنة الجبل لي محتاجة للكاسحات وللتدخل الفوري ديال مديرية التجهيز والنقل.
البرلمانية الشابة ابنة الجبل ولي تنقلات لدواوير جبال بني ملال ،تفاعلات مع مانشرته تاكسي نيوز و نقلات معاناة ناس الجبل وخصوصا منطقة اوطروزوت لي سبق وهضرنا عليها وطالبات بحقهم فالطريق ، وطلقات مدفعيتها الثقيلة على الوزير وقالت :” تاتبتاسمو لينا وتاتقولو الحقوق فين حقوق هد ناس من طريق فين حقوقهم من الكاسحات “.وهكا بغينا لبرلمانيين يتفاعلو مع قضايا الناس لي تاتنشرها الصحافة.
وحساة شكرات والي الجهة ورجال السلطة لي كانو واقفين على عملية ازاحة الثلوج ، ولاسيما دردوري لي مشا براسو لجبال بني ملال ووقف على فتح جميع الطرقات .
الفيديو للبرلمانية وحساة بالبرلمان :
