كيفاش القناة الاولى ودوزيم ماغطاوش جنازة المرحوم الحجام واش خاص الصحفي يموت فالرباط او كازا باش يغطيوه ،وخا تايضلو يتناقزو فالمجالس المنتخبة ببني ملال وتحية عالية لقناة ميدي1

آخر تحديث : الأحد 1 مارس 2020 - 2:45 مساءً
كيفاش القناة الاولى ودوزيم ماغطاوش جنازة المرحوم الحجام واش خاص الصحفي يموت فالرباط او كازا باش يغطيوه ،وخا تايضلو يتناقزو فالمجالس المنتخبة ببني ملال وتحية عالية لقناة ميدي1

تاكسي نيوز/حميد الخلوقي 

القناة الاولى وقناة دوزيم مابانش ليهم الاثر في جنازة الفقيد محمد الحجام ، واش خاص الصحافي يكون ساكن في محور الرباط والدار البيضاء باش يمكن يدوزو الدفن ديالو ، هدي حكرة تاهي للصحافة والاعلام بجهة بني ملال خنيفرة ، وخا راه الراحل الحجام أكبر من هاد القنوات والمثال هو التغلب ديالو فانتخابات المجلس الوطني للصحافة فئة الناشرين على مجموعة من عمالقة الصحافة المغربية.

شفنا هاد القنوات تايجريو ينقلو جنائز لبعض الاشخاص لي أقل شأنا من الهرم الحجام ،غا هو الفرق لي بينهم هو ان هادوك فكازا ورباط والحجام فبني ملال لي تاتبان ليهم كلها تهميش.

دوزيم والاولى تايضلو يتساراو فاقاليم جهة بني ملال وخصوصا القناة الاولى لي ماتاتخلي حتا قنت من ادارات ومجالس منتخبة وفين ما دخلنا تالقاوهم بحال اللاص مبندين ، وللاسف وفاة قيدوم الصحافيين ماحركاتهومش يجيو يديرو تغطية عليه .

وبهاد المناسبة كل الشكر لقناة ميدي1 لي دارت تقرير على الزميل الفقيد وهاد القناة لي بالفعل كل مرة تاتأكد المهنية ديالها عكس شي قنوات لي ريحتهم عطات فكل تغطية صحفية.

Share Button
2020-03-01
أترك تعليقك
2 تعليق
*الاسم
*البريد الالكترونى
الحقول المطلوبة*

لن يتم نشر عنوان بريدك الإلكتروني.

شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

تاكسي نيوز