الطريقة الجديدة من أجل طلب تأشيرة التجمع العائلي لإيطاليا بنظام الأبوستيل

17 ديسمبر 2016
الطريقة الجديدة من أجل طلب تأشيرة التجمع العائلي لإيطاليا بنظام الأبوستيل

مغاربة العالم / الشرح بالدرجة

هذا الشرح فقط للناس ديال التحمل العائلي بالنضام الجديد الابوستيل :
كيف ما عرفنا في اواخر هذا الشهر المنصرم ان القانون بالمغرب تبدل واصبح نضام جديد لي تعرف باسم الابوستيل
الاجراءات بالمغرب لاصحاب التجمع العائلي بعد صدور وتيقة Nulla osta
بعدما كتخرج ليك نولا اوسطا من البريفيتورا و كتجيبها للمغرب باش تاخد التاشيرة للناس المعنيين بالنولا اوسطا كنتبعو المراحل التالية :
1- الوتائق المطلوبة للزوجة او الزوج
– عقد النكاح + شهادة الزوجة الوحيدة + شهادة عدم الطلاق
– جواز سفر صالح لاكثر من سنة ونصف
2- الوتائق المطلوبة للابن او الابنة
– عقد ازدياد ديال الابناء المعنيين + الحالة المدنية ( فوطوكوبي لكل الصفحات المكتوبة بالحالة المدنية)
– جواز سفر الابناء المعنيين صالح لاكثر من سنة ونصف
3-الاجراءات
-قبل ما ندبرو شي حاجة غنخدو معانا البطاقة الوطنية ديال الزوج و الزوجة و عقد النكاح و الحالة المدنية و نولا اوسطا و نتوجهو لاحد المكاتب الترجمة المحلفة والمعترف بها من طرف القنصلية الايطالية .
من بعد ما كندخلو للمكتب كنقولو للسيد المكلف بالمكتب بلي باغي ترجم وتائق المطلوبة للتجمع العائلي و قبل ما تجمع انت الوتائق المطلوبة بغيتي تاكد بلي المعلومات المكتوبة بعقد النكاح و الحالة المدنية صحيحة
علاش : معضم الناس عندهم اخطاء وهذه الاخطاء كتجلى في مكان الازدياد تاريخ الازدياد بالشهر واليوم العنوان المهنة …الخ بعقد النكاح و كذالك بالحالة المدنية
وعلاه خاص المترجم يتاكد بلي المعلومات اللي في الحالة المدنية و عقد النكاح صحاح و ماناقص والو .
من بعد ما كيتاكد المترجم من المعلومات اما كيقول ليك مزيان غير ابدا الاجراءات ولا كيقول ليك عندك الاخطاء خاصك تصحح الاخطاء
لنفترض اولا ان كلشي عندك صحيح و قاليك ابدا الاجراءات
كندخلو الموقع ديال الابوستيل باش نخرجو واحد الوتيقة مملوءة بالمعلومات الخاصة بالوتائق اللي غنصادقو عليها عند السلطات الادارية و العدلية
ولا كنمشيو لشي cyber كايكونو حدا القنصلية وهما غيتكلفو بها و يخرجوهوم ويعطيوهم ليك ديك الساعة
كيف دخل مقهى انترنيت لي هو cyber غتقول ل مول cyber بلي بغايتي تخرج الابوستيل ديال التحمل العائلي والبلد هو ايطاليا
غيقول ليك دبالاش هاذ الابوستيل لي انتا باغي حيت كل وتيقة عندها ابوستيل خاص بها
غتقول ليه اسماء الوتائق لي عندك لي هما :
– عقد النكاح + شهادة الزوجة الوحيدة + شهادة عدم الطلاق
عقد ازدياد ديال الابناء المعنيين + الحالة المدنية
من بعد ما كيخرج ليك الابوستيل ديال كل وتيقة من الوتائق اللي ذكرت
كتاخدهم وكتوجه عند المترجم باش بتاكد منهم بلي مزيان وما فيهم تا مشكل
دابا قادينا الابوستيل
1 – غتمشي للمقاطعة و غطلب شهادة الزوجة الوحيدة + عدم الطلاق + عقود الازدياد ديال الابناء لي غادين معاكم لايطاليا
من بعد ما تاخدهم غتجمهم في ملف هما و الابوستيل ديالهم (لي خرجتي من cyber)
وغتمشي للعمالة و تقول ليهم بلي غتصادقو عليهم
2 – غتاخد عقد النكاح هو و الابوستيل ديالو وتوجه للمحكمة (بالنسبة للناس الدار البيضاء المحكمة الاسرة الموجودة بالولفة ) باش تعمل مصادقة عليه
3- من بعد ما كنصادق على الوتائق كناخدهم و كنديهم للمترجم باش يترجمهم ليا
4 – من بعد ما يترجمو كنعاود نفس الخطوات السابقة اي كنعاود نديهم للعمالة باش يتم المصادقة عليهم و كذالك عقد النكاح للمحكمة
5 من بعدما كنصادقو على الوتائق المترجمة كنرجع عند السيد المتجرم باش يقولي هيمتا غنمشي لمكتب ديال TLS CONTACT لي مسؤول عن ايداع الملف بالقنصلية الايطالية
6- من بعدما كنمشي في الموعد ل TLS CONTACT كنحط الملف ديالي اللي كيحتوي على الوتائق السابقة + جوازات السقر وكنخلص تقريبا 1600 درهم للشخص الواحد كنطلب منهم طريقة باش نتبع الملف ديالي من الانترنيت وهما غيزودوك بالمعلومات وكيفية الولوج للمطالعة على حالة ملفك .
وهكدا ما علينا غير نتسناو تخرج لينا التاشيرة مطبوعة في الباسبور.
الاخبار العاجلة