انفراد وبالوثيقة… تاكسي نيوز تنشر لائحة المنح السنوية لعمال كازاتيكنيك لي فرضتها جماعة بني ملال فدفتر التحملات والرئيس يقول:” العمال يستاهلو” والقيادي فالكدش الزاير :” بني ملال اول مدينة طبقات الزيادة”

آخر تحديث : الجمعة 8 نوفمبر 2019 - 2:28 مساءً
انفراد وبالوثيقة… تاكسي نيوز تنشر لائحة المنح السنوية لعمال كازاتيكنيك لي فرضتها جماعة بني ملال فدفتر التحملات والرئيس يقول:” العمال يستاهلو” والقيادي فالكدش الزاير :” بني ملال اول مدينة طبقات الزيادة”

تاكسي نيوز / حميد الخلوقي

المقال ديال تاكسي نيوز لي قلنا فيه بلي تقررات زيادة ديال 400 درهم دار ضجة كبيرة فالمغرب ، بحيث عرفنا بلي مجموعة من النقابات والعمال ديال النظافة ولاو تايضربو المثل بما وقع ببني ملال ، وقالو لرؤساء الجماعات لي مقبلين على تجديد الصفقة بلي خاصكم تزيدونا كيفما زادو لبني ملال.

تاكسي نيوز توصلات من المجلس الجماعي لبني ملال بوثيقة تفصيلية حول الزيادة والمنح السنوية لعمال كازاتيكنيك لي جا بهم دفتر التحملات ، ولي طبعا هدشي تقرر فاجتماعات ماراطونية وباشراك من النقابات وعلى رأسهم نقابة التدبير المفوض الكدش ، ولي تابعات جميع مراحل اخراج دفتر التحملات لاسيما الشق الاجتماعي.

رئيس جماعة بني ملال أكد أنه تايعطي أولوية للعامل وتايقدر المجهودات ديالو وهدشي علاش قرر رفقة باقي اعضاء المجلس انهم يزيدوه 400 درهم وفرضوها في دفتر التحملات وشرطوها على اي شركة غادي تفوز بالصفقة .

من جهته القيادي صالح الزاير وفي تصريحه لتاكسي نيوز أكد ان نقابته واكبت جميع مراحل اعداد الملف ديال الصفقة وعبر على الارتياح ديالو لهاد الزيادة لي كانت ثمرة اصرار رئيس الجماعة على تقدير مجهودات العامل ، ولي خدا بعين الاعتبار الاقتراحات ديال النقابة لي رحبات بهاد الزيادة.

الزاير يؤكد بأن بني ملال أول مدينة بالمغرب العمال ديالها تايشدو أعلى أجر تايوصل عند اغلب العمال الى 4000  درهم وكاين لي تايشد أكثر ، بحيث ان باقي الجماعات المغربية تاتخلص العامل ب 2500 درهم او أقل وهدا مبلغ قليل فحقو بزاف وخاص هاد الجماعات تعيد النظر في دفتر التحملات، ولهذا فبني ملال غادي تكون مثال يحتدى به في الاعتناء بالعمال وتقديرهم والزيادة في اجورهم وهذا اقل ما يستحقونه امام المجهود الكبير لي تايبذلوه وكذلك امام الاوضاع التي يعملون بها.يقول الزاير.

وأخيرا هاد الزيادة ديال 400 درهم دازت فعلا الشهر الماضي وستافدو منها العمال لي عبرو على الفرحة ديالهم والبعض فيهم وجه شكر للجماعة ولكل من له يد فهاد الزيادة.

Share Button
2019-11-08 2019-11-08
أترك تعليقك
0 تعليق
*الاسم
*البريد الالكترونى
الحقول المطلوبة*

لن يتم نشر عنوان بريدك الإلكتروني.

شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

تاكسي نيوز