عاجل وسابقة… الوالي يجمع مسؤولي قطاع التعليم والقياد وقالهم :” عندكم 15 يوم بغيت 3000 طفل مامسجلاش فتحضيري يكونو فالمدرسة ومانعقلش عليكم ولي مابغاش يقيد ولادو نعايطو لوكيل الملك”

آخر تحديث : الثلاثاء 5 سبتمبر 2017 - 8:24 مساءً
عاجل وسابقة… الوالي يجمع مسؤولي قطاع التعليم والقياد وقالهم :” عندكم 15 يوم بغيت 3000 طفل مامسجلاش فتحضيري يكونو فالمدرسة ومانعقلش عليكم ولي مابغاش يقيد ولادو نعايطو لوكيل الملك”

تاكسي نيوز / خاص

عقد والي جهة بني ملال خنيفرة بمقر الولاية اجتماعا موسعا حول ظروف ومستجدات الدخول المدرسي لهذا الموسم ، حضره مدير الأكاديمية الجهوية للتربية والتكوين والمدير الاقليمي لوزارة التربية الوطنية لبني ملال وعدد من المسؤولين عن قطاع التعليم والمنتخبين.

الوالي كان كاعي بزاف وقال بلي غير مسموح باش الاطفال مايقراوش ووجه كلام قاصح للمسؤولين قاليهم :” غادي نعطيكم 15يوم كلشي الاطفال ديال السنة الاولى ابتدائي لي مزال ماتسجلو خاصهم يتسجلوا والى بقا شي حد مامسجلش راني نحسبو عليكم “.

الوالي قال غاضبا :” ماشي معقول 3000 طفل مازال ماتقايداتش فالمدرسة راه غادي ديرو لجنة من غذا ودورو على ناس وكلشي يتقايد ولي ماقادرش ماديا نعاونوه ” .

وفي سابقة من نوعها قال الوالي للمسؤولين” كاع الاطفال خاصهم يتقايدو وشوفو ليا لي والده مابغاش غا هكاك غادي نخبرو وكيل الملك باش يتاخد معاه الاجراءات .”

فالحقيقة وبصراحة هدي هي الخدمة خاص دوك لوليدات لي فالجبال وفالقرى وحتى فالمدن مايضيعوش وخاصهم يقراو بحال كاع ولاد الشعب، والوالي ناقش جوهر المشكل لي هو الهدر المدرسي لي خاصنا نحاربوه خصوصا ناس لي تايرفضو يقايدو ولادهم من الأول ولاسيما الفتيات.

ولنا عودة لهذا الاجتماع بالتفاصيل.

Share Button
2017-09-05
أترك تعليقك
5 تعليق
*الاسم
*البريد الالكترونى
الحقول المطلوبة*

لن يتم نشر عنوان بريدك الإلكتروني.

شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

حليمة