تاكسي نيوز
خطوة مزيانة دارها احمد بدرة رئيس المجلس الجماعي ديال بني ملال ، واللي علق اعلان للعموم وضع فيه رهن اشارة الراغبين في الاستثمار ، بقعتين بالمنطقة الصناعية ببني ملال تابعتين للملك الجماعي ، وطلبات من المعنيين باش يتقدمو بطلب مرفوق بدراسة للمشروع اللي بغاو ينجزوه ويحطوه في مكتب الضبط ابتداء من 5 اكتوبر الى غاية 4 نونبر.
مهم هاد الخطوة فيها نوع من الشفافية وباش مايدوزوش بقع حسي مسي ، حيت الى جينا شفنا المنطقة الصناعية غادي نلقاو النص فيها باسماء منتخبين وشخصيات نافذة ، وهدشي لي خاصو يتغير من هنا لقدام ويولي اي بقعة بغات تكرا او تفوت يتم نشرها للعموم وفالمواقع ، ونتمناو ان اختيار المستفيدين يكون حتا هو بالشفافية ومايتعطاوش لباك صحبي .
في الاخير هدي خطوة تُحسب للرئيس احمد بدرة ، ونتمناو تستمر هد الشفافية في جميع الجماعات.
