تاكسي نيوز / حميد الخلوقي
الساكنة ديال بني ملال بينات على الوعي ديالها ، فمن خلال واحد الجولة فالشوارع صباحا وفهاد المساء يتبين ان الناس واعية بخطورة الفيروس وتجاوبات بشكل كبير مع تدابير السلطات والنصائح لي تاتقدمها سواء من خلال البراح فطوموبيلات سواء من خلال الخيمة لي فالمسيرة الخضراء سواء من خلال الاعلام على راسو تاكسي نيوز لي اغلب الناس فالشارع عبرو على اشادتهم بمجهودات السلطات وهدشي تايلعب دور كبير فالتوعية والتحسيس ديال المواطنين .
تقريبا. 80 في المائة لابسين الكمامات وهدشي فصالحهم وفصالح المواطنين الاخرين باش المريض ماينقلش العدوى للناس لي تايدوزو من حداه.
دبا هاد 20 في المائة لي مالابسينش الكمامات ولاو قلال بزاف وخاص السلطات تزاير معاهم ، وتجبرهم يلبسو الكمامات سواء بالمزيد من التوعية سواء بتطبيق الغرامات.
الى التازمنا كاملين فبني ملال وفالجهة وفالمغرب عامة ، راه غادي نتفاداو المزيد من الاصابات وغادي نرجعو للوضعية لي كنا فيها قبل، ونتمناو باش بلادنا ماتبقاش تسجل اي اصابات لاننا بصراحة نتألم كثيرا خلال نشر اخبار الفيروس ولي نشرها ” شر لابد منه ” ، وتانطلبو من الله العلي القدير باش يرفع الوباء ويحفظ هاد الوطن.
