تاكسي نيوز// العربي مزوني
ذكرت مصادر مطلعة لتاكسي نيوز ان والي جهة بني ملال خنيفرة غاضب مزيان على بعض المقدمين لي حصلو متورطين بالتغاضي ديالهم على البناء غير القانوني ، وعطى تعليماتو باش تخرج واحد اللجنة لي شافت التجاوزات فالبناء فعدد من الاحياء باقليم بني ملال.وفعلا اللجنة وقفات على خروقات كبيرة فالتعمير فواحد الحي.
نفس المصدر أكد للموقع بلي المجلس التأديبي كان نهار الجمعة لي فات في حق بعض الاعوان وواحد الموظف ، وتقرر اصدار في حقهم عقوبات تأديبية مشددة ، تقدر توصل الى حد العزل في حق البعض.
فهاد القضية ديال البناء العشوائي الوالي ما تايتعاتقش وعندو كيف الفئات الهشة كيف اللي لاباس عليهم واخرهم مول القهوة اللي هدمو لو بناية غير مرخصة وطالعا علو بفلوس كثيرة بزاف ومع ذلك هدموها لو.
