حميد الخلوقي
هدشي غريب لي تايقومو به بعض الانتهازيين وتجار الازمات والمحتكرين ، كيفاش اليوم فالاسواق ديال الخضر شاعلة العافية فالاثمنة رغم ان وزارة الفلاحة والحكومة قدمو تطمينات للمغاربة بان الامور غادية مزيان وكاين اكتفاء فهاد المواد لازيد من 3 اشهر.
قبل قليل درنا جولة فاسواق الخضر والفواكه ببني ملال، ولقينا بلي الاثمنة تضاعفات الى النصف ،مطشة 7 دراهم خزو 7 دراهم بطاطا 8 دراهم بصلة 10 دراهم ، والليمون 7 دراهم …
والي الجهة خاصو يتدخل ويرسل لجن مراقبة ولي حصل زايد الاثمنة يودي ، مايمكنش هاد المحتكرين يستغلو هاد الضرف باش يديرو الازمة فالخضر والمواد الغذائية رغم ان الحكومة تاتقول بلي كلشي موجود ولا خوف على الاسواق.
