تاكسي نيوز // بقلم الطفل ومراجعة : ابتسام الحدجاوي
مصلحة لا تصلح لشيء ومدخلها يعكس ما بداخلها.
اليوم بحال اي مواطن،محتاج لوثيقة ادارية مشيت للملحقة الادارية الاولى، فكانت في حالة يرثى لها،لا نظافة لا نظام لا ستة حمص ، مشيت لواحد المكتب لقيت فيه جوج ديال الموظفين واحد كبير شوية فالعمر ، لمهم جبد الورقة عمرها او قال سير لمكتب الاخر يسنيها ليك قلت ليه واخا شكرا، مشيت المكتب الاخر كانوا فيه 4ديال الموظفين وحدة شادة التيليفون او شبعانا ضحك ،او واحد حتى هو شاد التيليفون كيتراسل ،او الجوج لي بقاو خدامين فمشيت عند واحد منهم قلت ليه السلام عليكم خويا سني ليا فهاد الورقة قال ليا لا انا مكنسنيش قلت ليه لا نتا كتسني ،قال ليا قلت ليك لا ،او انا نجبد ليه ورقة كان سنا فيها هو مؤخرا ،قال اه انشوف اش بغيتي تسني شاف الورقة قال ليا خاصك التنابر سير المكتب الاخر، مشيت المكتب الاخر قال ليا سير عند الحاج قلت ليه انا حاج قال ليا المكتب لي قدامي، مشيت عند الحاج لقيتوا ساد المكتب مع 10:30 سولت قالو ليا تسنا تسنيت 30دقيقة هيلي جا الحاج او سنا .
خلاصة :
اذا اردت الحصول على وثيقة ادارية من الملحقة الادارية الاولى ،فيجب عليك ان تحج الى المكاتب الاربع ،وتنتظر عند باب كل مكتب حتى يقول لك احدهم انتظر الحاج ،فاذا وصلت لهذه المرحلة اعلم انه تفصلك 30 دقيقة للحصول على الوثيقة.
