مع سوسو
في متابعة “تاكسي نيوز” للانتخابات الجزئية لي غاتكون يوم 27 أبريل المقبل، على المقعد البرلماني لي مشا لأحمد شدا القيادي بحزب الحركة الشعبية بحكم قضائي من المحكمة . اكد مصدر “تاكسي نيوز” ان صحاب السنبلة ببني ملال مامفاكينش وباغيين يحافظو على المقعد مهما كلفهم الامر ، الا انه، فيه تاهو تنافس كبير مابين الوافد الجديد الشاب عمر ريحان نائب رئيس المجلس الاقليمي ببني ملال ولي هو ابن برلماني سابق و سياسي مخضرم وكبير وقيادي فحزب الوردة ، وايضا هناك تداول اسم عبد العزيز الشرايبي احد القادة البارزين في حزب السنبلة ولي يقدر يترشح ومقربين منو ماستبعدوش هاد الاحتمال، رغم ان هد القيادي سبق وكانت عندو مشاكل كبيرة مع الحزب بالاضافة الى عدة عوامل اخرى غادي نرجعو ليها لاحقا.
حزب الحركة يقول مصدر مطلع انه تايعيش اكفس ايامو ونكسة حقيقية بسبب الضربة الموجعة لي تلقاها بعزل القيادي احمد شد لي كان يعتبر الماكينة ديال الحزب ببني ملال وخزان للاصوات الانتخابية لي كان تايكتاسح الصناديق في كل اقتراع، بل هد الضرر قاس حتى الحزب على المستوى الوطني لي كان شدا تايمثلو فعدة محطات منها البرلمان المغربي والبرلمان العربي…
دبا السؤال لي مطروح هو واش يقدر يصمد المرشح ديال السنبلة امام التحالف المرتقب للاغلبية لي محتمل انه يقوده حزب الاحرار بدعم قوي من الجرار لي يقدر يخرج في أي لحظة بشي مفاجأة!
يتبع مع سوسو
