الحوت ودكشي… البرلمانية الثائرة فركعات الرمانة فلبرلمان على ود ناس الجبل ببني ملال وهادي ابعاد مقال “الحوت” لتاكسي نيوز =فيديو=

آخر تحديث : الإثنين 5 فبراير 2018 - 2:04 مساءً
الحوت ودكشي… البرلمانية الثائرة فركعات الرمانة فلبرلمان على ود ناس الجبل ببني ملال وهادي ابعاد مقال “الحوت” لتاكسي نيوز  =فيديو=

تاكسي نيوز 

سبق لتاكسي نيوز دارت واحد المقال تانتاقدو فيه سياسة مجلس جهة بني ملال خنيفرة اتجاه المناطق الجبلية وتوزيع الملابس وتصوير الاطفال ولي قلنا عليها بلي سياسة تحتاج الى مراجعة ، حيك كيف سبق وقال رئيس الجهة ابراهيم مجاهد :” ماغاديش نعطيو لحوت غادي نعلمو ناس كيفاش يصيدو الحوت شحال قدك ماتعطي فالحوت ” ، هاد لمقال للزميل جمال مايس لي دار قربالة ونوض زوبعة بين بعض الاعضاء بعضهم البعض ، ومشاو لحد اتهام تاكسي نيوز بخدمة اجندة سياسية ، وشي ولى تايسبيها فشي وشي تايحط الباطل والكذوب على شي وشي وحدين استاغلو المقال و تايتملقو للرئيس وطبعا في ظل بعض الطفيليات لي تاتقتات من الحدث وتاتستاغلو لاغراضها الشخصية الذاتية الانانية ، وناس مافاهماش وماوعياش ومابينها وبين لغة الصحافة غير الخير والاحسان ، ومامولفينش مواقع قوية جهوية حيك كان خاص الرئيس يعرف بلي حنا ماتانتباعو ماتانتشراو باش ينوضو شي “لحاسين لكابات ” ويقولو بلي مدفوعين من فلان أو علان ،كما اننا لا نخاف من احد ولا نخشى لومة لائم ومقتانعين بداكشي لي نشرنا وعدنا من المصادر المتنوعة لي نفاجئو بها السياسيين ديالنا ، والمقال هو موقع باسم الزميل الكامل وبالأحمر جمال مايس ومكتوب عليه رأي حر ، يعني مامخبيش بشي اسم مستعار ، غا هو المنتخبين معدورين مازال مامولفينش مقالات الرأي ولي مازال غادي نغرقو بها الموقع قريبا و “أمولا نوبة” ونتمناو بعض اعضاء مجلس الجهة يكون واقعيين ومايصفيش حساباتهم بمقالاتنا.ولنا عودة لهذا الموضوع قريبا وغادي نفضحو شي وحدين خاصهم يتفضحو. وعلى فكرة وعكس دوك طفيليات لي تاهمونا بالباطل فالرئيس يعرف باننا على حق وبأن مقالنا على صواب ومافيهش اي استهداف سياسي ، وبدليل أن الصفحة الرسمية لمجلس الجهة حذفات صور الطفلة والطفل لي عطاهم مجاهد الملابس.

المهم كاع من هدشي البرلمانية مريم وحساة عن حزب الاصالة والمعاصرة بدائرة بني ملال قربلاتها فالبرلمان على اوضاع ساكنة الجبل وقالت ليهم بلي راه الاحسان ماخاصوش يكون مقاربة ، بالعكس خاص تنمية متوازنة اقتصاديا واجتماعيا ، أو بمعنى أوضح ماخصناش نعطيوهم الحوت خاصنا نعلموهم كيف يصيدو الحوت كما قالها سابقا رئيسها في الحزب.

Share Button
2018-02-05 2018-02-05
أترك تعليقك
4 تعليق
*الاسم
*البريد الالكترونى
الحقول المطلوبة*

لن يتم نشر عنوان بريدك الإلكتروني.

شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

حليمة