تاكسي نيوز / حميد الخلوقي
عوتني رجاء بني ملال لكرة القدم خسر فالمقابلة لي سالات قبل قليل واللي فاز بها الدفاع الحسني الجديدي بهدف دون رد .
رجاء بني ملال في الصف الاخير بنقطة يتيمة ، والمشكل هو المكتب المسير باقي متشبت بالمدرب فلاح لي الجماهير اصبحت ترفع في وجهه شعار “ارحل” .
طبعا المكتب مابغاش يدير اقالة لفلاح لانه خاصو يعطيه تقريبا واحد 70 مليون سنتيم في حالة الاقالة وفسخ العقد من طرف المكتب ، ومن جانبه فلاح ماغاديش يقدم استقالتو وخا يقولو الجمهور ارحل او تنتاقدو الصحافة حيك الى ستاقل غادي يضيع ديك 70 مليون سنتيم ، ومابين هاد الجوج تتبخر احلام الجماهير لي ولاو عايشين على اعصابهم .
فالحقيقة وضعية بحال هادي بغات والي الجهة يتدخل حيك المشكل ماشي في المكتب او المدرب او الاعبين ، بالعكس المشكل راه في السمعة ديال الرجاء والتاريخ ديالها حيك صبحات فرقة ديال تجارب الفرق الاخرى ، ناهيك عن مشكل اخر هو المال العام لي تايتعطا للفرقة من مجلس الجهة والجماعة والمجلس الاقليمي وو ، وهاد المال العام الى وافقنا حنا كساكنة يشدوه على الاقل تكون نتائج مشرفة وخا غا فوز واحد ، ماشي نشوفو فرقة كلها مشتتة لا مكتب لا مدرب لا لاعبين … وفين غاديين بينا !!!
