رحال الحسيني في زجل : السَّمَّانْ وُالصَّيَادَة *

زجل : السَّمَّانْ وُالصَّيَادَة *

 

1

 

يُومْ مْشَا فْلَخْوَا

وَانَا بَايَتْ بْلاَ هْوَى

اللِّيلْ مَاعَنْدُو دْوَا

غِيرْ النَّخْوَة بْلاَنْكُولْ

آشْ تْگُولْ

مَاشِي مَعْقُولْ !

2

يُومْ مْشَا فْلَخْوَا

وَانَا بَايَتْ بْلاَهْوَا

لاَتَصْبَرْ لاَتّْشَوَّاا

شَمْ وُوْشَمْ وَحْشَمْ

خَلِّي

وُهْجَرْ لَفْرَاشْ

خَاوِي

سِيرْ اللُّقْنَاتْ

سِيرْ للَّقْهَاوِي

كُلْشِي دَاوِي

حْتَى للَّفْجَرْ.

 

3

الصَّيَّادَة ضَرْبُو السَّمَّانْ

ضَرْبُوهْ مَزْيَانْ

حْلَفْ مَايْبَانْ

فْبِيتْ الْمُوتَى عَرْيَانْ !

خُرْجِي يَارُوحْ الُّروحْ

مَتَخْرُخْ غِير تَحْتْ لَعْصَا

وَانَا عَاصِي للَّفْقَرْ

عَاصِي الْگُولْ

مَاشِي مَعْقُولْ !

4

يُومْ مْشَا فْلَخْوَا

وَانَا بَايَتْ

بْلاَهْوَا

مَخْنُوقْ

الْگَلْبْ مَسْرُوقْ

بَسْهِيرْ اللِّيلْ.

5

جَاكْ هَاجُوجْ

وُزَادَكْ مَاجُوجْ

كْثَارْ (وَاللاَّ غِيرْ زُوجْ؟)

يَا.. قِيَّامَة

دَ الدّْرُوجْ..

وَاحَدْ بْدَمَّكْ عَالِي
……..

حْتَى انْتَ

(مَا مَنَّكْ زُوجْ)

وَخَّا مَنْتُوفْ

مْخَبَّلِي بَالِي،

فَرُّوجْ

مَطْلَعْ لِيهْ صْبَاحْ

مَاقْدَرْ عْلَى صْيَاحْ
…….

وُآآآآآحْ..

يَازْمَان.. الرُّوجْ !