الحبيب المصطفى
اليوم صباح والي الجهة دار خرجة للملعب ديال رجاء بني ملال باش يشجع الفريق للفوز على الحسنية من أجل الصعود. تالهنا مزيان، لكن الغريب هما اعضاء ديال الشركة ديال الرجا لي سبق ودارو بلاغ مؤخرا نبهو فيه الجمهور والاعلام باش تاواحد مايبقا يقول كلمة الرئيس لخالد حجي باعتباره غير قانوني وبناو هرطقاتهم على حكم ماعندو علاقة بصفة الرئيس.
والاغرب ان خالد حجي هضر كرئيس فريق وقدمو والي الجهة، وهنا نطرحو سؤال على اعضاء الشركة علاش ماقلتوش للوالي بلي حجي ماشي رئيس وعلاش قبلتو يوقف معكم، ولا تخراج العينين غا على الحيط القصير الجماهير والصحافة لي وجهتو ليهم داك البلاغ الباهت الضعيف لي ما عندو لا ساس لا راس.
