محمد الوافي
سبق لموقع تاكسي نيوز نبه الى المشكل الخطير ديال هبطة شارع دمشق المعروفة بهبطة الروضة ببني ملال ، هاد الطريق لي وقعو فيها بزاف ديال الحوادث بعضها كان مميت وماتت فيها أم أمام انظار الابناء ديالها ، واخر هاد الحوادث البيكوب لي دخلات فالفرماسيان ديال الشعبية لي تعرض لاضرار جسيمة ولحسن حظ مولاه انه كان ساد أما كن كانت الاضرار بشرية.
و فاش تانحذرو من بعض المشاكل راه الهم ديالنا هو المصلحة العامة لي تتعلق بالمواطن وخصوصا بالسلامة ديالو باش مايوقعوش حوادث مماثلة، ماشي باش نهضرو من فراغ وننشرو من اجل النشر.ومسألة اخرى راه مايمكنش ترضي واحد القطاع لي تاتجيه ديك الطريق قصيرة وتفتح المجال للاخطار بارواح الساكنة!
بهاد المناسبة توصل الموقع فالبريد ديالو بواحد العريضة موقعة من طرف 35 توقيع من اصحاب المحلات واصحاب المنازل بشارع العيون تايطالبو فيها من السلطات باش توضع علامة المنع لي كانت وتحايدات ، وعبرو على الخوف ديالهم الدائم على سلامتهم وعلى محلاتهم ومنازلهم.
