الحبيب المصطفى
رجاء بني ملال تغلاب قبل قليل امام فريق الجيش الملكي بهدف لصفر .وبعد 13 دورة زيرو فوز وفالصف الاخير بنقطتين يتيمتين.
بصراحة ماكاينة معنى وهدي هي نتيجة التسيير الهاوي والانتدابات الانفرادية للمكتب المسير لي مامسوق لا للجمهور لا للوالي لا تاواحد وتايدير دكشي لي قالو راسو ، وخا راه الفرقة هي ملك لجميع الساكنة واللي لاتزال تطالب بانقاد الفريق .
بعض الجماهير الغيورة عبرو على انهم اذا لم يكن هناك اي قرارات حاسمة ترجع الثقة للجمهور وللفريق ، غادي يكونو مضطرين يقاطعو باقي المقابلات الى حين تدخل المسؤولين بشكل جدي. لان كما يقول الجمهور راه الفرقة هي المتنفس الوحيد ليهم وهي صورة بني ملال .
“صافي ملينا هاد العبث وغادي نخليو هاد الفرقة للرئيس مادام تاواحد ماقدر يوقف هاد المهزلة ” ، يعلق غيور ملالي عن الهزيمة المُرَّة.
