العسالي لي مكانتش تاتحضر لاجتماعات بني ملال ولات محايحة و كاتجي ومامحيداش باش تربح المقعد البرلماني وتضمن التقاعد المريح والتعويضات

آخر تحديث : الجمعة 5 يوليو 2019 - 12:15 مساءً
العسالي لي مكانتش تاتحضر لاجتماعات بني ملال ولات محايحة و كاتجي ومامحيداش باش تربح المقعد البرلماني وتضمن التقاعد المريح والتعويضات

تاكسي نيوز/ حميد الخلوقي

حليمة العسالي المرأة لي تايقولو عليها حديدة فحزب السنبلة ، كانت ماكاتبانش بزاف فبني ملال فالاجتماعات واللقاءات والمعارض ، هاد الايام ولات ماكاتحيدش من عاصمة الجهة ،وهدشي بان فالمعرض الجهوي لي جات لو مع نسيبها مول الكراطة ، والمتتبعين للشأن السياسي تايشوفو بلي تواجد العسالي ببني ملال ماشي باش تخدم ناس ديال الجهة باعتبارها عضوة مجلس الجهة عن دائرة خنيفرة ، ولكن باش تضمن المقعد البرلماني لي نايض عليه الصداع فمجلس الجهة ، خصوصا وانها هي ابرز المرشحين الى جانب مرشح حزب الحصان عن دائرة خريبكة ولي تاهو عضو بمجلس الجهة وحتى هو نفس الشيء مكانش تايبان حتى ولى هاد ليام مامحيدش من بني ملال .

دبا كيف تاتعارفو ان التحالف الحكومي مابين البيجيدي والحركة والحصان تايطبقوه حتى فالانتخابات ديال المجالس والبرلمان ، ولكن هاد المرة العسالي كسرات القاعدة وربما هناك حديث عن نقض العهد ديال التحالف من طرف السنابلة ومابغاوش يخليو المرشح ديال العود يركب ويربح المقعد لي اصلا كان ديال الحزب الدستوري وضاع منهم بسبب عزل محمد عدال من طرف المحكمة الادارية.

دبا الساكنة ديال الجهة بغات تعرف اشنو هي الاضافة لي غادي تعطيها العسالي للجهة ، واش فعلا كيفما تايقولو السيدة طامعة غا فالمقعد البرلماني باش تاهي تكون بحال خوتها البرلمانيين وتستافد من الرواتب والتعويضات والتقاعد المريح .

Share Button
2019-07-05
أترك تعليقك
0 تعليق
*الاسم
*البريد الالكترونى
الحقول المطلوبة*

لن يتم نشر عنوان بريدك الإلكتروني.

شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

تاكسي نيوز