تاكسي نيوز/ إدارة الموقع
في إطار التفاعل ديال موقع تاكسي نيوز مع القراء ديالو لي كل مرة تايتقدمو باقتراحاتهم حول بعض الاركان بالموقع ولي حاولنا أننا نجمعوا كاع هاد الاقتراحات ونخرجو بركن ختارنا لو اسم “شرح ملح” هاد الركن غادي ناقشو فيه جميع القضايا ديال الساعة بدون مكياج وبالمكشوف وفي جميع المجالات السياسية والاقتصادية والاجتماعية والثقافية والرياضية والدينية والصحية… وغادي نتاقدو فيه كبار الشخصيات في إطار الموضوعية والمهنية وفي احترام تام لاخلاقيات مهنة الصحافة ودون سب أو قدف أو تشهير ، لكن هدشي ماتايعنيش أن كلام شرح ملح غادي يكون بردا وسلاما على لي جات في نوبة بالعكس غادي يكون كلام قاس وانتقاد جارح.
هد ركن غادي يكون مفتوح لجميع المراسلين ديال موقع تاكسي نيوز باش يكون تنويع من جميع المدن وماغاديش يكون حكر على صحفي دون الاخر.”
الحلقة الماجية ديال “شرح ملح” غادي نبداو بها من نفوسنا وغادي تكون على موقع تاكسي نيوز حول انجازاتو اخفاقاتو مشاكلو اكراهاتو كل شيء عليه.. فانتظرونا..
وبالتوفيق
