بالفيديو… راه قلنا خاص لعقليات تتغير قبل لبنايات… نساء محيحات داخل المقر الجديد ديال لاراديت ووالي الجهة كاعي على المسؤولين ديالها

2 أغسطس 2017
بالفيديو… راه قلنا خاص لعقليات تتغير قبل لبنايات… نساء محيحات داخل المقر الجديد ديال لاراديت ووالي الجهة كاعي على المسؤولين ديالها

تاكسي نيوز / محمد المرابطي 

 

 

 

نهار الجمعة من الاسبوع الماضي قلنا خلال افتتاح مقر لاراديت الجديد بلي قبل تغيير البنايات خاص المسؤولين يغايرو العقليات ، ولمحاسن الصدف هو ان جلالة الملك نصره الله تاهو قال بلي بعض العقليات هي لي خرجات على الادارة في خطاب العرش .

وهدشي علاش حتجات مجموعة ديال لعيالات داخل المقر الجديد ديال لاراديت مطالبات بالحق ديالهم ، ومطالبين بتجويد الخدمات وتسهيلها للمواطنين.

لاراديت ادارة تاتعرف مجموعة ديال لمشاكل وحتى بين موظفيها والادارة وتايبان لنا ان التسيير ديالها للامور ماشي هو هداك ، وحتى لوالي على حساب ما اكد لنا مصدر بلي كاعي بزاف على هاد المؤسسة وهدشي قالو ليهم بطايطاي فالمجلس الاداري الاخير ، وطلب من وكالة لاراديت ترفع من مستوى خدماتها وتقتارب من المواطنين ، ودق ليهم ناقوس الخطر وهدشي حرج المسؤولين بزاف خصوصا المدير العام ديال لوكالة ببني ملال.

الوالي وحسب مقربين طالع لو زعاف بزاف من لاراديت والى بقات غادية هكا غادي يكون شي تدخل منو مباشر.

 

 

 

الاخبار العاجلة